عايزين نشتغل........
مدونة جديدة بتكلم فيها عن اكبر مشاكل شباب جيلنا معظم الشباب عاوز يتجوز عاوز يبقى عنده بيته واسرته عاوز يبقى فى مكان مرموق كل ده طبعا هييجى لما نشتغل.
طيب ازاى والدنيا زى ما احنا شايفين المهندس شغال سباك والدكتور بيبيع كبدة وخريج الاداب بقى بقال !!!
دنيا غريبة فترة من الزمن ما حدش شاف زيها هل العيب فينا ولا فى الحكومة زى ما كل الناس بتقول ولا فى اسباب تانى بعيد عن الاتنين
هل احنا شعب -المصرى- كسول او شعوب -العربى عموما- كسولة زى ما بيقول الغرب عننا ولا الكلام ده افتراء زى ما فى افتراءات كتير علينا؟
طيب ده الواقع بتاعنا ازاى هنغيره؟ مين عمل شئ غير عادى غير حياته ازاى ما اعتمدش لا على الدولة ولا حتى على بابا وماما؟
المدونة دى هنتكلم فيها من القلب مش هتكلم فيها حتى اللغة العربية الفصحى لا هتكلم بالعامية البسيطة زى ما بنتكلم فى الشارع انا كل همى ان المدونة دى تشتهر فى البداية وبعد كدة عاوزكم انتوا المدونين مش انا كل واحد هيقول همومه مع الشغل وكل واحد هيقول نجاحه كل واحد هيقول افكاره الجديدة اللى جربها واللى بيحلم انه يجربها مين عارف يمكن ييجى اليوم اللى نعمل فيه حاجة..... يمكن ييجى اليوم اللى نغير فيه الواقع بايدينا مش نستنى انه يتغير لوحده.
